Depýtattardyń jańa quramyn bastaǵan Almaty qalasy máslıhatynyń ekologııa, týrızm jáne qoǵamdyq keńistikti damytý jónindegi jańa komıssııasy megapolıstegi jylý men elektr energııasynyń negizgi kózi sanalatyn Almaty JEO-2-ge bardy.
Halyq qalaýlylary sońǵy jyldary atmosferalyq aýaǵa eń kóp tútin shyǵaratyn nysandy aralady.
«Munda jasyratyn eshteńe joq. Almatynyń aýasy las ekenin kez kelgen turǵyn biledi. Jyl saıyn Almatyda zııandy zattardyń konsentrasııasy búkil respýblıka boıynsha basym bolyp keledi. Jaǵdaı apatty, sondyqtan biz osyndamyz», - dedi Altynaı Kóbeeva, Almaty qalasy máslıhatynyń ekologııa, týrızm jáne qoǵamdyq keńistikti damytý jónindegi komıssııasynyń tóraıymy, VII saılanym máslıhatynyń depýtaty.
Depýtattyń aıtýynsha, qalanyń ekologııalyq jaǵdaıynyń problemalary kóptegen adamdardy uzaq jyldar boıy mazalap keledi. Buǵan lastanǵan aýa, kásiporyndardan shyǵatyn ýly qaldyqtar, kólikterdiń kóptigi, qoqysty shyǵarýdaǵy problemalar, jyl saıyn bolatyn qalany kógaldandyrý suraqtary da kiredi.
«Bizdiń komıssııa atmosferalyq aýanyń sapasyn jáne jalpy ekologııalyq ahýaldy jaqsartý boıynsha qoǵamdyq tyńdaýlardy ótkizýdi bastady. Depýtattarmen birge jumysty qadaǵalap, azamattardan kelip túsken ótinishterge jedel jaýap berýge daıynbyz», - dedi Kóbeeva.
Komıssııanyń aıtýynsha, jumystyń barysynda birinshi aıda qaladaǵy ekologııalyq jaǵdaı týraly aqparat pen pikirlerdi jınalady. Komıssııanyń monıtorıng pen tekserýinde birinshi bolǵan JEO-2 stansııasynda atalmysh depýtattar qazirgi jaǵdaıy men ony gazǵa aýystyrýdyń josparlarymen tanysty.
Aıta ketý kerek, bul kómirmen jumys isteıtin stansııany gazdandyrýdyń alǵashqy tájirıbesi emes, buryn sońdy JEO-1 gazǵa sátti aýystyrylyp, qorshaǵan ortaǵa keri áseri aıtarlyqtaı tómendegenin kórsetti.
Depýtattar sonymen qatar JEO-2 basshylarynyń qoǵammen tyǵyz ózara árekettesýi qajettigin atap ótti, óıtkeni mundaı jobany gazǵa aýdarý tek aýqymymen ǵana emes, sonymen qatar tehnıkalyq jáne ınjenerlik erekshelikterimen de kúrdeli.
Esterińizge sala keteıik, buǵan deıin Almaty qalasynyń ákimi Baqytjan Saǵyntaev aıtqandaı, Almaty JEO-2-ni gazdandyrý týraly sheshim qabyldanǵan bolatyn.